From: Steinar Berg <steinar@fossatun.is> 
Sent: mánudagur, 7. maí 2018 12:22 
To: helgavala@althingi.is 
Cc: 'Elín Valdís Þorsteinsdóttir' <elinvaldis@althingi.is>; kristelf@althingi.is; 'Sigurður Örn Hilmarsson' <sigurdur@rettur.is>; 'Sigríður Rut Júlíusdóttir' <rut@rettur.is> 
Subject: ósk um fund

​

Sæl Helga Vala.

​

Ég hef verið tvístígandi að bera undir þig erindi okkar ábúenda í Fossatúni. Hef þegar skifað béf til tveggja fyrrum formanna stjórnskipunnar- og eftirlitsnefndar Alþingis. Fyrst til Ögmundar Jónassonar, þann 18. apríl 2016, eða skömmu eftir að við uppgötvuðum að Alþingi hafði í raun sett lög á okkur. Síðan aftur 20. mars 2017, til Brynjars Níelssonar, eftir að hafa velkst með málið í tvö ár án þess að fá það samtal sem við föluðumst eftir. Ögmundur svaraði okkur með bréfi, 19. október 2016, en Brynjar svaraði ekki. Á þessum tíma hef ég nokkrum sinnum verið í sambandi við ritara nefndarinnar Elínu Valdísi Þorsteinsdóttir. Ég sendi því afrit af þessu bréfi til nefndarritara stjórnskipunar- og eftirlitsnefndar, sem hafa upplýsingar um samskiptaferlið fram til þessa.

Ég hef tekið saman yfirlit og gögn sem finna má á heimasíðunni www.sveitasaga.com og auk þess sendi ég bæklingi, „Með lögum skal land byggja“, til allra alþingismanna í marsbyrjun. Þar er skilmerkilega farið yfir þetta mál. Enginn hefur mótmælt því sem þar kemur fram. Lagabreytingin sem um er að ræða var gerð vegna fullyrðingar þáverandi formanns Landssambands veiðimanna um að niðurstaða Hæstaréttar í máli 676/2013 sé til komin vegna lagalegrar óvissu. Það eru engin rök, álit eða úttekt sem styður þessa fullyrðingu hagsmunaðilans sem setti hana fram. Þvert á móti þá fékk atvinnuveganefnd umsögn frá Jörundi Gaukssyni, formanni veiðifélags Árnesinga, þar sem varað er við lagasetningunni.

Við teljum að forsendur lagasetningarinnar hafi verið rangar og meðferð atvinnuveganefndar verulega ábótavant. Samþykkt þingsins á lögunum grundvallast því alls ekki á upplýsingu - og afleiðingarnar eru víðtækari en þingheimi var gert að trúa. Má þar sérstaklega nefna að lagabreytingin „hlutafélagavæðir“ í raun veiðifélög. Gerir þau að „atvinnurekstarfélögum“, sem hafa hagsmuni af því að standa í eignaumsýslu og veitinga- og gistirekstri. Nauðsynlegt hefði verið að gaumgæfa hvort slík víkkun á hlutverki veiðfélaga uppfyllti þau skilyrði sem undantekning stjórnarskrárinnar um félagafrelsi byggir á. Atvinnuveganefnd ákvað sérstaklega að kanna það ekki.

Okkur, hjónum í Fossatúni, er að sjálfsögðu velkunnugt um að það er hlutverk dómsstóla að skera úr um lagaleg ágreiningsefni og líklega verðum við að leggja í annan galeiðuróður gagnvart veiðifélagi okkar. Engu að síður þá finnst okkur málefnalegt og í takt við tíðarandann að samskipti eigi sér stað á milli Alþingis og okkar. Alþingi ákvað að breyta lögum samkvæmt ósk hagsmunaaðila sem tapaði máli fyrir Hæstarétti. Við, sem unnum málið urðum því beinlínis fyrir barðinu á lagabreytingunni. Alþingi átti í nánum samskiptum við hagsmunaaðilann á ferli lagasetningarinnar. Okkar álit, hagsmunir, sem eru almennir hagsmunir, og uppsöfnuð þekking eftir áralöng málaferli á máli sem var talvert flóknara en það virtist í fyrstu, var hinsvegar sniðgengið. Við, grandalausir einstaklingar, upptekin í uppbyggingu, höfðum ekki ímyndunarafl til að láta okkur detta í hug að sú aðferðafræði sem viðhöfð var í þessu máli viðgengist hjá Alþingi. Tilheyrðum líklega þeim minnihluta sem bar virðingu fyrir löggjafanum.

Ósk okkar er að fá fund með stjórnskipunar- og eftirlitsnefnd til að fá staðfest að eðlilega hafi verið staðið að umræddri lagabreytingu af hálfu Alþingis. Sé hinsvegar fyrirliggjandi mat, eftir slíkt samtal, að augljósir agnúar séu á ferlinu, jafnvel þannig að það sé löggjafanum til vansa, hvað er þá til ráða? Er réttlætanlegt að afnema lögin ef þau voru sett á illa ígrunduðum og/eða röngum forsendum?

Með kveðju,

Steinar Berg Ísleifsson
Work: +354 433 5800
Mobile: +354 893 9733
www.fossatun.is